تقریبا 70 گون قاباق اینترنتی باغلادیلار - 90 میلیون انسانین اینترنتی - تا اینترنتی ده اوبیری شئلر کیمی «رانت» عنوانیندا (خط سفید/ اینترنت پرو) اؤز آرالاریندا پایلاشسینلار.
بو آرادا من جالب بی «باگ» تجربه الدیم کی مستقیم اینترنتین قطع اولماسینا ربطی یوخ ولی اونون تبعاتینداندی.
احتمالا بو مدتده وایفای/دیتا آیکونون یانیندا بی ! علامتی گوروبسوز. «اینترنت یوخدو» علامتی.
تئوری ده او آیکونون چوخ تاثیری یوخدو فقط اندروید بی آدرسی (connectivitycheck.gstatic.com) پینگ الیر و جواب آلسا دییر «اوکی اینترنتیم وار» و جواب آلمیاندا دییر «اینترنت یوخدو» عملا ده ددیغیم کیمی بی تاثیری یوخدو فقط یوزره/اپلره بیلدیریر کی اینترنته وصل دَییلسن.
دونن جالب بی اتفاق دوشدو؛ ایستیردیم بی سروره وصل اولام -کی اینترنتسیز ده اولار- گوردوم اولمور. هر نجور سعی الدیم اولموردو.
من: -وایفایا وصل اولا اولا-
اپ: «وایفایا وصل اول باشلیاخ»
من: -بی سری ده چک الیردیم- «حلیدی وصل اولدوم، باشلا»
اپ: «اممم، تنظیماتدان بی وایفای سئچ و وصل اول»
من: «وصلما» -بی سری ده قطع و وصل اولدوم- «اوکی باشلا»
اپ: «گئت تنظیما سورا اینترنت بخشیندن بی وایفای سئچ و وصل اول»
و حدودا ایکی ساعت بوحور قاباغا گئتدی. سورا دا او اپدن ناامید اولدوم. ددیم آیری بی سروره وصل اولوم و تست الیم کی چوخ راحت وصل اولدو، پس مشخص اولدو مشکل فقط او اپدی. آخرده متوجه اولدوم بی جور خاص بی باگدی. یعنی او اپ انتظاری وار من اینترنته وصل اولام تا سینک باشلاسین و اندروید ! علامتینن او اپه دییر «اینترنته وصل دییرم»
سورا مشکلی بیلندن سورا adb نن حل الدیم. و او منحوس ! علامتدی گئتدی
adb devices # چک الین دیوایسیز وصلدی
adb shell settings put global captive_portal_mode 0 # اینترنت چکین باغلیر
adb shell settings put global captive_portal_detection_enabled 0 # بودا تقریبا همان ایشی گورور. صرفا جهت احتیاط